SHILLONG: West Shillong-ni MLA, Mohendro Rapsang, a·dok sorkari aro Home Department-ko a·doko drug jakkalanio batrikrikengani gimin kam ka·china mol·molataha. Drug ba pekgipa ringanirangko uni contituency West Shillong -osan jakkalgiparang dongaia ine ong·ja indiba gipin bang·a constituency-rangoba nikna man·enga, ine janapate, MLA, sorkariko iani bidingo simsake kam ka·china mol·molataha.
Pekgipa ringaniko jakkalaniara jakkalgipa chadamberangkosan nangchakaia ine ong·ja, jakkalagipa manderangni nokdangnaba bilongen neng·nikanirang soka.
“A·dok sorkari aro Home Department, ia mamlako name dake nirokatate kam ka·na gita nangenga, aro chinga ia kamo sorkarina chu·gimik dakchakaniko on·gen.”
Minggipin Meghalaya police, drug badinga ba jakkalanirangko am·sandiaon Jaintia Hills-oniko drug badinggipa aro drug-ko ra·sekaha.
