NEW DELHI: Mija re·anggipa Sukrobaro National Institutional Ranking Framework (NIRF) ranking-ko Union Education Minister Dharmendra Pradhan-ni parakatanio, Indian Institute of Management Shillong aro North-Eastern Hill University-ba, nambatgipa ge 100 educational institute-rangni gisepo biming nakatpaaha.
Indiani nambatgipa ge 100 educational institute-rangni gisepo IIM Shillong 26gipa biapko man·aha unomitingo university category-o NEHU 66-gipa biapko man·aha.
2022-ni educational institute-rangni ranking-ko ge 11 dake bakrarone parakataha pilakni gitan namaniko, university, management, college, pharmacy, medical, engineering, architecture, ARIIA (Atal Ranking of Institutions on Innovation Achievements), law aro research institutions indakgiparangko man·chapa.
Indake IIT Madras-an bilsi brina joljol a·songni institute-rangni gisepo skanggipa biapko man·aha, jeon Indian Institute of Science, Bengaluru, nambatsranggipa university ong·aha, uamangni ja·man Jawaharlal Nehru University aro Jamia Millia Islamia, uamang gnigipa aro gittamgipa biaprangko man·aha.
Madras, Delhi, Bombay, Kanpur, Kharagpur, Roorkee, Guwahati aro Hyderabad, ia ge·chet IIT-rang— engineering institutions category-o top ten rank-o biming nakattokaha.
College-rangni gisepo, Miranda House skanggipa biaptangkon mantop ten ranks pilaha, uamangni jatop ten ranks man Hindu College aro Presidency College, Chennai, uamang gnigipa aro gittam biaprangko mantop ten ranks aha.
A·songni B-School-rangni gisepo IIM Ahmedabad, Bangalore aro Calcutta, iarang skanggipa, gnigipa aro gittamgipa biaprangko man·aha.
Medical college-rangni category, AIIMS, Delhi skanggipa biapo ong·aha, indake uamangni ja·man PGIMER Chandigarh aro Christian Medical College, Vellore gnigipa aro gittam biaprangko man·aha.
Nambatgipa ge 100 educational institute-rangni gisepo IIM Shillong, NEHU-ba biming nakata
Date:
Share post:
