SHILLONG: GVK Emergency Management & Research Institute (EMRI)-o kam ka·enggipa manderangni dabianirangko sorkari knachakjaengani gimin da·al Sombar saloni ari gri kamtangtangko dontongatna tik ka·aha ine Meghalaya EMRI Workers’ Union parakataha.
Meghalaya a·doko 108 emergency service-ko chalaienggipa company-ni contract-ko bon·atchina gita dabie EMRI-o kam ka·enggipa manderang, konta 72 somoiko sorkarina on·ahachim indiba uamangni dongimin somoi gita uamangni dabianiko chu·sokatjahani gimin Sombar sal dipet kamrangko ka·gija jingjengatna tik ka·angaha.
Meghalaya EMRI Workers Union-ni president Microlina Syiemlieh-ni kobor ra·timgipa manderangna parakatani gitade, a·dok health minister aro Health department-ba uamangni dabianirangna nachil songna gita gisik nangjahachim.
Iani bidingo uamang, National Health Mission (NHM)-ni managing director baksade agangrikengachim ine janapatengon, NHM-de uamangni dabianiko chu·sokatna gita bil dongskaja ine Syiemlieh parakataha.
Union-ni spokesperson Roypar Kharraswai-ni parakatani gitade, a·doko 108 emergency service-ko chalaienggipa company, manderangna name kamrangko ka·e on·na man·jaengani giminba uamang, ia company-ni contract-ko bon·atchina sorkario dabiengachim.
108 emergency service-ko an·tangan chalaichina gitaba EMRI-o kam ka·enggiparang, a·dok sorkario dabiengachim.
“Ia company-ni kamrang namsrangjaengani a·sel kam ka·giparangba neng·nikanirangko chagrongna nangtokenga,” ine Meghalaya EMRI Workers’ Union-ni president parakataha.