TURA: Hotel aro restaurant-rango service charge-ko ra·aniara manderangoniko niam gri tangka paisarangko ra·ani gita ong·enga ine West Garo Hills a·jani Deputy Commissioner Swapnil Tembe parakatenba, hotel aro restaurant-rango service charge ra·aniko champengna gita dingtangmancha niamko ra·gatangaha.
Deputy Commissioner-ni parakatani gitade, bree cha·gipa manderangna on·gimin bilrangko pe·na man·jana gita aro ong·gija dake tangka paisa ra·aniko champengna gita Consumer Protection Act 2019-ni ning·o dingtangmancha Central Consumer Protection Authority (CCPA)-ko songmanaha aro ia CCPA-an, hotel aro restaurant-rango service charge ra·ani bidingo dingtangmancha Consumer Protection Act 2019-ni section 18 (2) (1)-ni ning·o ia niamrangko ra·gataha.
“Hotel aro restaurant-rango manderangni bill baksana service charge-ko ra·na man·jawa aro service charge-o gamchina drana man·jawa. Cha·ani bill-rango service charge-rangko on·dapna aro chu·gimik bill-o GST-koba ra·na man·jawa. Badiaba hotel ba restaurant-rango service charge ra·genchimode uko kimite galchina aganna man·gen ba 1915-ona ka·ate ba NCH mobile app gita ba www.edaakhil.nic.in website gita National Consumer Helpline-ona badi ka·dona man·gen. Iani bidingo Deputy Commissioner-na ba CCPA-na [email protected] email gita badi ka·naba man·aigen,” ine Deputy Commissioner parakataha.