Thursday, March 28, 2024
spot_img

Printing & Stationery-ni director-na IAS officer-ko songchina dabiangtaia

Date:

Share post:

spot_img
spot_img

TURA: Da·o dipet Meghalaya a·dokni Printing & Stationery Directorate-o Foreman kamni mandekosa promotion on·e ba kam ra·doange Director-ni kamkoba ka·atengani a·sel department-ni kamrangko name ka·na man·jaenga ine Government Branch Press Industrial Employees Association (GBPIEA) parakatenba, Director-ni kamnade IAS officer-rangonikosa seokchina gita sorkariko didiattaiaha.

Iani bidingo association-ni dilgiparang, re·anggipa 2020 bilsini December 1 tarikon a·dokni Chief Minister-na memorandum-ko on·atahachim indiba da·alonan iani bidingo maming aganchakanirangko man·kujaengani gimin changsataie association-ni dilgiparang, a·dokni Chief Minister-na gisik ra·atpilaniko on·angtaiaha.

GBPIEA-ni parakatani gitade, Printing & Stationery Directorate-o LPT Diploma donggipa manderangan Foreman-ni kamna dorgastoko galna man·enga indiba ia apsan Foreman-kon ja·mano assistant director-ona kam ra·doatchenge, deputy director, joint director aro ia department-ni chubatgipa director-ni kamnaba ra·doatrongengachim.

“Printing & Stationery Directorate-o Industrial, Ministerial aro Stationery section-rang gnang aro Foreman-ni kamde Industrial section-osa ong·na nangaiachim. Indiba ia apsan Foreman-kon Director-ni kamona ra·doatahaode ua kamrangko name ma·sipajaoba chubatgipa gadango ong·e ia pilak section-rangkon nirokna nangskaengaha,” ine association parakatenba, ia department-o Foreman-ko Director-ona kam ra·doatani bewalko gale, director-ni kamna IAS officer-ko songchina, sorkariko didiataha.

Foreman-ko director-ni kamona ra·doatengani a·selan pension aro GPF-rangko okani, kam ka·giparangko gadang ra·doani, nangchongmotgipa chittirangko on·ani aro uandakgipa dingtang dingtang kamrangko somoi gita ka·na man·jaenga ineba GBPIEA parakataha.

“Gipin department-rangode LDA-ni kamnaba manderangko seokani ja·man Meghalaya Administrative Training Institute (MATI)-o nanga gita training-ko on·chengesa kamo rakkiengani gimin sorkarina nambate kamrangko ka·na man·enga indiba Printing & Stationery Directorate-ode Foreman-kon maming training gri Director-ni kamnaba ra·doatengani a·sel kamrangko name ka·na man·jaenga,” ineba GBPIEA parakataha.

spot_img
spot_img

Related articles

MHA extends AFSPA in parts of Arunachal and Nagaland for 6 more months

New Delhi/Kohima/Itanagar, March 28:  The Ministry of Home Affairs (MHA) has extended the Armed Forces (Special Powers) Act...

Indian equities close the fiscal year on a positive note

New Delhi, March 28:  Indian equities closed the day and fiscal year on an optimistic note as buying...

‘Unacceptable, unwarranted’: India again slams US’ remarks on Arvind Kejriwal

New Delhi, March 28: Calling the US State Department's remarks on the arrest of Delhi Chief Minister Arvind...

Congress veteran Pratap Bhanu Sharma will take on BJP stalwart Shivraj Singh Chouhan from Vidisha

Bhopal, March 28: With the Congress on Wednesday fielding veteran Pratap Bhanu Sharma against BJP stalwart and former...