SHILLONG: Garo Hills-ni badiaba badiaba songrango mitam nokdangrang bijolini kajinarangko gamjaengani gimin ia songrangna bijoli on·jaenga ine koborko on·ani ja·man, iandake bijoliko on·jaengani gimin All India Trinamool Congress (AITC), MeECL-ni kamko jegalatenba, MeECL official-rangni kosako ja·kuko de·china dabiangaha.
Iani bidingo AITC-ni national president Saket Gokhale, Meghalaya a·dokni Deputy Chief Minister Prestone Tynsong-na sedoatenba, Garo Hills-ni mitam songrango badiaba badiaba nokdangrang, bijolini kajinarangko gamjaengani gimin songgimiknan bijoli on·jaenga ine Meghalaya sorkari aro MeECL-ni kosako raken jegalataha.
Gokhale-ni Deputy Chief Minister-na sedoatgipa chittio parakatani gitade, adita salrangna skang ua North Garo Hills a·jani Bajengdoba jolona re·baon, songni mitam nokdangrang bijolini kajinarangko gamjaengani gimin songgimiknan bijoli on·aniko MeECL dontongataha ine ua nikna man·ahachim.
“Iandake mitam nokdangrangni kajina gamjani gimin songgimikko sasti on·aniara manderangni kosako ong·gija kamko ka·ani gita ong·enga. Ia songrango bang·bata nokdangrangan bijolini kajinarangko gamesa bijoliko jakkaltokengani gimin Meghalaya sorkari aro MeECL, bijoli on·aniko champengna bil dongja,” ine AITC-ni national president parakataha.
Iani bidingo ta·raken kamrangko niatchina aro ia songrangna bijoli on·aniko champengatanio jak donggipa MeECL official-rangni kosako rakgipa ja·kurangko de·china gitaba AITC-ni dilgipa, a·dokni Deputy Chief Minister-ko didiataha.
