Aspire M’laya-ni programme-rango sak 1,900-na baten chadamberang graduate ong·a  

SHILLONG: Ri-Bhoi, North Garo Hills, West Garo Hills, West Khasi Hills aro Eastern West Khasi Hills district gimikoni  ge·sku cumpuse-rangoni Aspire Meghallaya-ni ning·ogipa Soft Skills aro Talent Identification programme-rango da·o ong·atenggipa skie on·anirango uamangni institute-tangtango sak 1,900-na baten poraigipa chatro-chatrirang graduate ong·tokaha.
Iani bidingo aganao March jao programme-ko a·bachengataonin ge 25-na baten campuse-rango Aspire Meghalaya programme-ni Soft Skills training phase-o a·dokgimikni sak 5,000-na baten chadamberang bakko ra·aha ine u·iataha.
“Ia bilsini Aspire-ni skanggipa re·chakatanio sak 65,000-na baten bakko ra·aha, Meghalaya Youth Survey, 2022-ni ning·o a·dokni chadamberang bang·batsrange programme-o bakko ra·bataniba ong·aha,” u·iatapaha.
Chatro-chatrirang jemangan mija Sukrobar-o graduate ong·aha uamang St Joseph’s Higher Secondary School, Umden aro Ri-Bhoi College, Nongpoh Ri Bhoi; St. Thomas Higher Secondary School, Salpara aro Mendipathar College North Garo Hills-o; St. Dominic Savio Secondary School, Garobadha aro Tura Government College West Garo Hills; Mairang Presbyterian Science College aro Khadsawphra College Mairang, Eastern West Khasi Hills; aro Sibsing Memorial Government Higher Secondary School, Nongstoin West Khasi Hills ia ge·sku educational institute-rangoni sal 10-na ong·atgipa training programme-rango dongpae graduate ong·aha.
Skie on·ram nokmrongrango graduation programme-rango poraigiparang, faculty memborang, sorkari official-rang aro gipinrang dongpaaha.
“District-ni gadango changa-sapani gnanggipako jako ra·na ga·timrako seokna Aspire aro campuse-rangni nambatgipa changgipa-sapgipa ong·anio graduation programme-rangni janapani ong·aha. Git ringani, chrokani, beatboxing aro visual arts, doka-damani, kal·susaani aro golpo aganani indonga bang·a bakrango dongimin salo bakko ra·angaha. Talent Identification-an programme-ni mongsonggipa nisan ong·a aro nambatgiparangko document tarigen aro a·doko ua a·bao dakna sikgipa chadamberangko mikkangchi dakchakna chol ong·gen aro minggipin dakgnirangko oe on·ani ong·gen,” koboro aganaha.
Aspire Meghalaya-ko Sports aro Youth Affairs department dal·drobaenggipa aro dal·a chu·sokgimin chadamberangko mongsonggipa soft skill, janggi tanganiko tariani aro changa-sapaniko ma·siani cholrangko bilakbatatna a·bachengataha. Programmes-ko Education department-ni ning·o State Education Mission Authority of Meghalaya (SEMAM) dakchakaha aro AVENUES, Meghalaya-based Personal Excellence Social Enterprise ra·gatskaaha. Meghalaya-ni dam 12 district gimikni 60-na baten campuse-rango sak 10,000-na baten dal·gimin chadamberang Aspire Meghalaya-o bakko ra·na ka·dongsoenga.