SHILLONG: A·doko Sombar salo sak 30 manderang covid man·dapaha aro sak 53 gipinrang sabisioni nampilskaaha, unomitingo West Garo Hills-o covid-ni a·sel saksa janggitangko gimaataha.
Sombar salni bako East Jaintia Hills-o sak 2, East Khasi Hills-o sak 3, Ri-Bhoi-o sak 6, South Garo Hills-o sak 2, South West Garo Hills-o sak 1, West Garo Hills-o sak 14, West Jaintia Hills-o sak 1 aro West Khasi Hills-o sak 1 gimik sak 30 manderang covid man·dapaha, unomiting apsan salni gisepon, East Khasi Hills-o sak 16, Ri-Bhoi-o sak 11, South Garo Hills-o sak 1, South West Garo Hills-o sak 2, West Garo Hills-o sak 19, West Jaintia Hills-o sak 3 aro West Khasi Hills-o sak 1, gimik sak 53 manderang covid-oni nampiltokaha.
Meghalaya a·doko covid sabisiko man·giparang sak 94,881 gapengaha, jeon uamangoni sak 92,727 manderang sabisioni an·sengpiltokaha, sak 1,601 siangaha. Meghalaya a·doko covid man·e donggiparang da·o sak 553 ong·taiengaha.
Sak 553 covid man·e donggiparangoni, East Garo Hills-o sak 7, East Jaintia Hills-o sak 5, East Khasi Hills-o sak 128, Eastern West Khasi Hills-o sak 3, North Garo Hills-o sak 6, Ri-Bhoi-o sak 48, South Garo Hills-o sak 14, South West Garo Hills-o sak 27, West Garo Hills-o sak 299, West Jaintia Hills-o sak 13, West Khasi Hills-o sak 3 donga.
