Monday, May 19, 2025
spot_img

Tura-ni MDC-ko sal 8-na police-rangni ning·o donata

Date:

Share post:

spot_imgspot_img

TURA: Tura Edenbari-o donggipa ‘Rimpu Bagan’-o me·a me·chikrangko ong·gija dake rona on·enga ine matnangako man·gipa Tura-ni MDC aro BJP Meghalaya-ni state vice president Bernard Rimpu N Marak-ko Bristibar salo Tura-ona rim·bapilani ja·man, Tura-ni CJM kachario bichal ka·enba salchetna police-rangni ning·o donatchengaha.

Tura-ni MDC-ko re·anggipa Mongolbar salo, Uttar Pradesh a·dokni Hapur a·jaoniko rim·ani ja·man, Bristibar salo Tura-ona Meghalaya a·dokni police-rang rimbapilaha aro uandaken Tura-ona sokbaani ja·man uko be·enni gita porikka ra·chengenba Bristibar attam 5:30 bajimangoni Tura Sessions Court-o bichal ka·angahachim. Kachario Marak-ko mikkangpaatani somoi police-rang uko an·tangtangni ning·o donkuna gita bi·on, salchetna police custody-o donchina CJM raiko on·ataha.

Kacharioni re·ongkatbaengmiting somoio neng·goka gita nikgipa Bernard Marak, kacharini cholgugao ga·akaha indiba police-rang uko de·doe sing·sandina gita Tura Police Station-ona rimangaiaha.

Uni iandake kacharini cholgugao ga·akgropani gimin uni nokdangni manderang aro una chakpaenggipa manderang, uko Delhi-oniko rimbaengmiting somoionin maming cha·anirangko on·kujaengani a·selsa ua nom·boke ga·akaha ine matnangtokaha.

“Uko Delhi-oniko sildorengo rimbana skangsa ua cha·aniko cha·aiaha indiba uni ja·mande una maming cha·anirangkon on·jahani a·selsa ua nom·boke ga·akaha. Mandeko iandake cha·ani ringani gri donaniara namen ka·saninggijaniko mesokani ong·aha,” ine Marak-na chake kachario senge dongenggipa manderang parakataha.

Police-rang Marak-ko sing·sandina gita sal 14-na an·tangtangni ning·o donkuchina kachario bi·ahachim indiba uko salchetnasan police custody-o donna gita kachari rai on·ataiaha. 

spot_imgspot_img

Related articles

‘Spy’ YouTuber Jyoti Malhotra had easy access in Pakistan, travelled in luxury

New Delhi, May 18 : YouTuber Jyoti Malhotra, who was arrested on charges of espionage in Haryana's Hisar,...

Bengal way behind Bihar in DA, Op Sindoor compensation payments: Suvendu Adhikari

Kolkata, May 18:The Bihar government's announcement of a two per cent increase in the dearness allowance for its...

RCP Singh merges party with Jan Suraaj ahead of Bihar Assembly elections

Patna, May 18 : Ahead of the Bihar Assembly elections, former Union Minister RCP Singh merged his party...

India’s seafood exports surge despite global uncertainties

New Delhi, May 18 : India's seafood exports have recorded a robust growth of 17.81 per cent in...