Barengapara-ni gitcham MDC, NPP-o napa

TURA: 6-Barengapara GDC Constituency-ni gitcham MDC Kurosh M Marak, an·tangna kam ka·enggipa manderang baksa National People’s Party (NPP)-o napangaha aro uamangko rimchaksona gita Dalu-o NPP Dalu Block Committee-ni gita dingtangmancha tom·aniko ong·atangaha.
Barengapara-ni gitcham MDC Kurosh Marak aro uni manderangko NPP-ona rimchaksona gita tom·aniko ong·atanio Dalu-ni MLA Brening A Sangma-ba dongpae bak ra·angaha aro ia tom·anio ua jinmana aganprakangengon, Marak-ni NPP-ona re·baaniara, re·baenggipa 2023 bilsini Assembly election-o NPP dolna bang·a dakchakani ong·gen ine parakangaha.
An·tangko rimchaksona gita tom·aniko ong·atanio Kurosh Marak-ba jinmana aganprakengon, mikkangchi ua NPP dolni namgnina kamrangko ka·anggen ine ku·rachakaniko on·angaha.

Get real time updates directly on your device, subscribe now.

Comments are closed.