TURA: South West Garo Hills a·jaoba niam gri saw mill ba bol ratani karkanarangko chalaienga aro ia karkanarango ratgipa bolrangko Assam a·dokrangona palsrukatenga ine Garoland State Movement Committee (GSMC) Zikzak unit parakatenba, ia niam gri chalaienggipa saw mill-rangko ta·raken chipatchina sorkario dabiangaha.
GSMC Zikzak unit-ni general secretary Dichon Ch Marak-ni parakatani gitade, South West Garo Hills a·jao, mongsongbate Mahendraganj aro Bolonggre Kalaichar jolrango niam gri kuligipa saw mill-rang bang·rorobaengani a·sel buring bolgrimrango donggipa bol wa·arangba bon·roroangengaha aro ia saw mill-rangko ratgipa bolrangko niam gri Assam a·dokrangonasa palsrukattokengachim.
“Ia biaprango niam gri bol ratani karkanarangko chalaiengani a·sel buring bolgrimrangba porongrong ong·roroangengaha aro iandake A·chik a·songni bol wa·arangko pale cha·aiode mikkangchi Garo Hills a·gisi pil·chongmotgen. Uni gimin obostarang namjabatna skangan Forest department ta·raken ja·kuko de·na nanga aro ia jolrango bol palsrukaniko aro niam gri chalaienggipa saw mill-rangko ta·raken chipatna nanga,” ine GSMC Zikzak unit-ni dilgiparang dabiangaha.
SWGH a·jao niam gri chalaienggipa saw mill-rangko chipchina GSMC dabia
Date:
Share post:
