Shillong: (IANS) Mijal salni bako am·sandianiko dake, Meghalaya Police, East Garo Hills district-o donggipa, Pilgonggre songoniko, a·a ningao gope dongipa, silchidarerangni a·dita gulirangko man·a baksana, anti-aircraft-ni rong 79 gulirangkoba man·aha, ine official-rang parakataha.
Police official-rangni potchipe aganani gitade, silchidare aro gulirang, dontongatko man·gipa bobil dol, Garo National Liberation Army (GLNA)-ni ong·na nanga.
Masina man·gija manderangni u·iataniko man·e, police dolrang, Williamnagar police station-ni ningao donggipa, burungoniko am·sandianiko dakaha aro mijal salni bakon bang·a guli aro silchidarerangko man·aha, ine official-rang aganangaha.
Indake, police-rangni am·sandie man·gipara, anti-aircraft-ni ge 79 guli, 7.7-ni ge 175 guli, ge 10 electrical detonator, gesa 12-bore double barrel aro 250 gram-ni gelatin ong·a.
Am·sandianio man·gipa silchidare aro gulirangko, 2018 bilsio police encounter-o sigipa, GNLA chief Sohan D Shira gope galna nanga, ine police-rang potchipe aganangaha.
Indake, iani bidingo badi ka·aha aro man·gimin silchidare aro gulirangni gimin talbate masina gita, police-rang am·sandianiko dakenga.
Batanggmin salrangoba, police dolrang diltugipa buringrangoniko am·sandianirangko dake, GNLA-ni jakkalgipa silchadare aro gulirangko man·aha aro bobil dolni bang·a manderangkon, batanggimin salrango, Meghalaya police rim·na gita man·aha.
