SHILLONG: Congress doloniko ra·gala man·gipa West Shillong constituency-ni MLA Mohendro Rapsang, National People’s Party (NPP)-o napna miksongenga ine parakataha.
Rapsang-ni parakatani gitade, uni manderangan uko NPP-o napchina nangnikengani gimin ua BJP-o napgija NPP-o napani cholrang dongbatenga.
“Da·o dipet anga NPP-o napna miksonganirang dongenga. Anga angni manderang baksa iani bidingo agangrikaha aro uamangba angko NPP-o ong·china nangnikbatenga,” ine West Shillong-ni MLA, kobor ra·timgiparangna parakataha.
Da·o dipetde ua Congress MLA-an ong·kuenga ine janapatengon, ua Congress doloni susaesa seokako man·ahani gimin 2023 bilsiona kingkingde ua Congress dolon ong·kuaigen ine Rapsang parakataha.
“2023 bilsionade anga Congress dolon ong·kuaigen indiba election-na skangsa anga badia doloni susagen, ukode tik ka·gen,” ine Rapsang aganaha.
Bang·a manderangan uko BJP-o napna ka·dongsotokengachim ine sing·on, BJP dolsan ong·aija indiba bang·a political dolrangan uko uamangni dolo napchina didiahachim ine Rapsang parakataha.
Rapsang-ni parakatani gitade, 2023 bilsini Assembly election-o Congress dolba uko Congress dolonin susachina senge dongengachim.
“Angko BJP dolsan ong·aigija dingtang dingtang dolrangba uamangni dolo napchina didienga. Election-na skang anga badia dolo napgen ukode tik ka·gen indiba da·o dipetde anga NPP-o napna nangnikbatenga,” ine West Shillong MLA aganaha.
Uko bilsi gittamna Congress dolo membor ong·aoniko dontongatahani gimin ua gipin dolo napna skangde Congress doloni resign ka·chenggen ineba Rapsang parakataha.
