TURA: Advanced Metering Infrastructure (AMI)-ni bidingo Meghalaya Distribution Corporation Limited (MePDCL) Garo Hills region-ni engineer-rangna talataniko on·na gita Budbar saloni a·bachenge training program-ko Faridabad-ni National Power Training Institute (NPTI) aro India sorkarini ning·o donggipa Power Ministry nangrime, Tura-ni Circuit House-o salgittamna ong·atenga aro ia training program-ko a·bachengate on·angani somoio West Garo Hills a·jani Deputy Commissioner Swapnil Tembe, mongsonggipa sokgipa ong·e bakko ra·angaha.
Ia program-ko a·bachengatanio West Garo Hills a·jani Deputy Commissioner, jinmana aganprakangengon, bang·bata somoirangon Garo Hills-o bijoliko tik ong·e man·jaengani a·sel neng·nikanirangko man·rongbatenga aro ia sal somoirangode game ge·ani kamrangkoba man·chape pilak kamrangon bijolichi chalaigipa ostro aro kolrangkosa jakkaltokengani gimin bijoliko tik ong·e on·na nangchongmotenga ine janapangaha.
Meghalaya a·doko chagrongna nangenggipa neng·nikanirang gipin a·dokrang baksade apsan ong·janaba gnang ine janapatengon, ia jolrango man·enggipa neng·nikanirangko ma·sichenge ia jolrango nangani kri training-ko on·china gita Tembe, ia training program-ko ong·atenggipa dolrangko didiangaha.
West Garo Hills a·jao 2027 bilsini gisepode badiaba badiaba department-rango an·tangtangan choligiparang ong·na tik ka·manaha ine janapatengon, ia training program-o name skie ra·enba an·tangtangni kamrango skie ra·gimin kamrangko jakkalchina gita official-rangko Deputy Commissioner didiangaha.
Ia salgittamna ong·atenggipa training program-o skie on·enggipa manderangara, CGM-Rtd APDCL, Guest Faculty NPTI-NER, Ajanta Goswami, DGM-Rtd ASEB, Guest Faculty, NPTI-NER, Karuna Sharma aro NPTI-ni Deputy Director Sambit Gantayat ong·a.
Advanced Metering Infrastructure-ni bidingo sal 3-na Tura-o training-ko ong·atenga
Date:
Share post:
