TURA: Megha Health Insurance Scheme (MHIS)-ni phase 5 aro Pradhan Mantri Jan Arogya Yojana (PMJAY)-na Meghalaya sorkari, re·anggipa Budbar salo, India a·songni general health insurance company, National Insurance Company Limited (NSIL) baksa Shillong songjinmao songgigrike soi ka·grikangaha.
Meghalaya sorkarini pal, MHIS-ni CEO aro Health & Family Welfare-ni Additional Secretary Ramkumar S, soi ka·angaha aro NSIL-ni pal company-ni Assistant Manager LS Puni Isaac, soi ka·skaaha. Dolgnini soi ka·grikanio a·dokni Health Minister James PK Sangma aro gipin official-rangba dongpae bak ra·angaha.
Ia MHIS-5-ni ning·o insurance-ni man·gniko gong lak 5-oniko gong lak 5.30-ona ra·doataha aro ia namgniko a·dok aro ma·mong sorkario kam ka·enggipa manderangna agrede Meghalaya a·doko songdongenggipa manderang pilakan ia scheme-ni ning·o bimingko segate man·gen.
Ia MHIS 5 aro PMJAY-ko re·baenggipa September 1 tarikoni a·bachengatgnok.
