SHILLONG: BJP-ni miksonganian a·dokko develop ka·na ong·a, aro party-ni ia agenda-an mikkang bilsi 2023-o ong·atnasienggipa assembly election-o party-ko cheatgen, maina a·dokni manderang BJP-ni kam ka·aniko mikrontangchi niktokenga aro BJP-ko ra·chakaha, ine state BJP Chief Ernest Mawrie, Sonibar salo aganaha.
“Party-ni development agenda-ko niken bang·arang party bakrimna re·baenga aro manderang ra·chaktokenga. Development-ni agenda-ko chu·sokatna BJP-san man·gen iako u·ie bang·arang party-o naptokenga, ine Mawrie aganaha.
Party office-o 17 North Shillong-oni sak 100 baten manderangko party-ona rimchaksoani somoio, Mawrie, ia kattarangko aganaha.
Anti changantion dingtang dingtang constituency-rangoni bang·a manderang party-o naptokenga. Ian party-na namgipa chin ong·a aro ian manderangni BJP-ko ra·chakaniko mesoka ineba state BJP chief aganangaha.
Indake ong·engon re·baenggipa anti aro jani gisepon party-ona bang·bate manderang re·bakuge ineba a·kangaha.
Uandake bang·a dingtang dingtang central-ni scheme-rangko janapatengon, Mawrie indine aganaha, “party, gimik dolni manderangna apsangrike development-ko ra·bana nangnike ja·ku de·enga, uni giminan bang·a scheme-rang jekai- water, electricity aro gipin namgnirangko nokantiona sokatenga.
