TURA: Project STAR-ni ‘Adopt A School’ campaign-ni bak gita Gambegre Block-ni ning·o donggipa Debillonggagre Government LP School-ko dakchake on·na aro namdapatna gita West Garo Hills a·jani Superintendent of Police (SP) VS Rathore jako ra·aha ine u·iataha.
Skulo poraienggipa bi·sarangna nambata lekka porako on·na man·na gita ia skul nokko taridape on·na aro gipin kamrangkoba namdapatna gita bakan West Garo Hills a·jani police-rang, ia skulni managing committee baksa tom·e chanchirimanggen ineba u·iataha.
Skulrango poraienggipa bi·sarangna nambata lekka porako on·na man·na gita skulrangko aro mongsongbate sorkari skulrangko jako ra·e dakchakchina gita West Garo Hills a·jani Deputy Commissioner Swapnil Tembe, a·jani manderangko mol·molatahachim ine nikna man·a.
Bi·sarangna nambata lekka porako on·na man·na gita skulrangna dakchakanirangko on·china didiatengon, manderang tangka paisarangchisan ong·aigija skulko nambatatna an·tangtangni man·na gita dakchakanirangko on·na man·gen ineba West Garo Hills a·jani Deputy Commissioner Swapnil Tembe parakatahachim.
