Tuesday, March 4, 2025
spot_img

‘Progress’ scheme-chi game manderangna janggi tangani cholrangko on·na man·gen: CM

Date:

Share post:

spot_img
spot_img

SHILLONG: Meghalaya a·doko ‘Progress’ scheme-ko ra·gatanichi songni nokni manderangna aro game ge·e cha·enggiparangna wakrangko jile cha·na on·anichi pangkamgipa janggi tangani cholrangko on·na ka·dongenga ine Budbar salo, a·dokni Chief Minister Conrad K Sangma parakataha.
National Livestock Mission-ni ning·o ‘Progress’ ine mingskagipa Rural Backyard Piggery Scheme-ko Ri Bhoi a·jani Byrnihat-o a·bachengate on·anganio a·dokni Chief Minister, jinmana aganprakangengon, dingtang dingtang namroro silroroani scheme-rangko ra·gate on·anichi ia sorkari, game ge·e cha·enggipa manderangna tangka paisa man·dapani cholrangko aro janggi tangani gadangko namdapatna man·engaha ine parakataha.
“Game ge·e cha·enggipa manderang, wakrangko jilanichi, pangkamgipa janggi tangani cholrangko man·china gita ia ‘Progress’ scheme-ko sorkari ra·gate on·aha,” ine Sangma aganaha.
Meghalaya a·doko wakrang chu·ongjaengani a·sel metric ton 18,000-mangni gita wak be·enrangko gipin a·dokrangonikosa ra·bana nangenga ine janapatengon, ia piggery scheme-ko ra·gate on·anichi a·doko wak be·enrangni chu·onggijaniko namatna ka·dongenga ine Chief Minister parakataha.
Ia ‘Progress’ program-ko a·bachengate on·ani bidingo talataniko on·angengon, songadam nokadamrango wakrangko, do·orangko, do·bokrangko aro uandakgipa gipin jilla kaanirangko dake an·tangtangni janggi tangani gadangrangko namdapatna man·na gita sorkari, ia scheme-ko ra·gataha ine Chief Minister parakataha.
Chief Minister-ni parakatani gitade, Rural Backyard Piggery Scheme-ni skanggipa bako sorkari, gong kror 15.18 tangkarangko chame donaha aro iani ning·o bi·sa pe·ninggipa rokomni wakrangko ge 6000 nokdangrangna suale on·anggen.
Ia program-ni gnigipa bakko a·bachengatani bidingo janapatskaengon, ia program-ni gnigipa baknaba sorkari, gong kror 25 tangkarangko chamdape on·gen ine Chief Minister parakataha.

spot_img
spot_img

Related articles

PIMC observes 9th death anniversary of P A Sangma

  Guwahati, March 4: The PA Sangma International Medical College and Hospital (PIMC) at the University of Science and...

Assam DCs asked to act tough on illegal brick kilns

Guwahati, March 4: The finance (taxation) department of the Assam government has asked all district commissioners in the...

Stormwater drain construction: Guwahati Traffic police impose curbs

Guwahati, March 4: Guwahati Traffic Police has imposed restrictions on the movement of vehicles along National Highway-27 in...

India to revamp bilateral investment treaty framework to boost foreign investments: CEA Nageswaran

New Delhi, March 4: India is set to revamp its model bilateral investment treaty (BIT) framework to attract...