SHILLONG: Meghalaya Energy Corporation Limited-o ge 1000 sanction ka·gipa post-rang bangbang ong·e dongenga indiba corporation baksa tangka paisa komiani gimin a·dok sorkari, bangbang ong·e donggipa post-rangko gapatna chol man·jaenga ine Power Minister Prestone Tynsong aganaha.
MeECL-o casual worker ba contract-o kam ka·giparang, uamangni post-rangko regularise ka·china dabiengani gimin janapatengon, Tynsong, indine aganaha, “MeECL-o adita ru·uta bilsirangoni casual-o kam ka·enggiparangni chagronggipa neng·nikarangko sorkari u·ichaka indiba corporation baksa chu·onga gita tangka paisarang dongjani gimin, casual worker-rangni kamko regularise ka·na man·chipgija dongenga.”
“Beben corporation-o bangbang ong·e donggipa ge 1000 post-rangko gapatchina sanction ka·aha. Junior engineers, assistant engineers aro executive engineer-rangni post-rang donga indiba da·ode ia post-rangko gapatna cholrang dongkujaenga.”
Indake ong·engon MeECL da·omitingo nangchongmotgipa post-rangkosan gapatenga. Indake corporation, gamna nanggnirangko matchotaha ong·ode, MeECL-o casual-o kam ka·giparangko regularise ka·na jototn ka·gen ineba Tynsong agandapaha.
Adita salrang skangsan Meghalaya Energy Corporation Limited (MeECL), -o casual kam ka·giparang, uamangni post-ko regularise ka·china aro man·kugija dongenggipa dormakako on·china dabie jingjengatangaha.
Batanggimin bilsi 20-30 somoirangoni MeECL-o sak 2,000 baten casual-o kam ka·giparang, corporation-o dangdike on·baenga.
MeECL baksa tangka dongjani gimin vacancy-ko gapatna man·kujaenga: Tynsong
Date:
Share post:
