Tura: Teachers under the banner of the All Garo Hills SSA School Teachers’ Association (AGHSSASTA)-ni gimik teacher ba skigiparang, East Garo Hills Williamnagar-o Chief Minister Conrad Sangma-ko gronge, uamangni chagronggipa neng·nikarangni gimin aro uamangni man·kugija dongenggipa jagittamni dormahakko on·china mol·molangaha.
Skigiparang, CM-ko grongao, uamangni kamko regularise ka·a baksana base salary ba dormahako 45,000-ona baridapatna aro jachetoni man·kugija dongenggipa arreara-ko aro jagittamni dormahako on·china dabiangaha.
Uandake CM-ko gronge agangrika ja·man CM-ni dakchakna ka·dongataniko man·e SSA teacher-rang, Sombar salo September 5 tariko Teachers’ Day-ni salo jingjengatna tik ka·aniko ra·pilna tik ka·angaha.
“Salbongani gisepo chingni man·na nanggipa arrear aro dormahako on·na CM, ka·dongataha. Aro Deputy CM Prestone Tynsong-ni ku·rachaka gitan dormahako bariatani mamlako nirokatna ku·chakaha. Indake ong·engon chingni dabianirangko MDA term matchotna skangan chu·sokatchina dabiangkuaha, ine president L Ch Momin aganaha.
Indake ong·engon education department-ni adita salrang skang on·gipa order-o Teachers’ Day-ni dalo bolbipang ge·na aganani bidingoba SSA teacher-rang sing·angaha.
“Teachers Day-ni salo maina iandakgipa kamrangko ka·china donaha. Ia salara Teacher ba skigiparangko mande ra·ani salsa ong·a, a·songni gimik bakrango teacher-rangko mande ra·esa mania. Iandakgipa order ba ge·etaniko a·songni gimik bakrangon donna nanga, ineba secretary B Ch Marak, aganangaha.
