SHILLONG: United Democratic Party (UDP) political party-ko bikotani Sonibar salo bilsi 25 gapaha.
Sonibar salo party office-ko nokdongae on·ani salon 25th Foundation Day-ko maniangaha. UDP President Metbah Lyngdoh, party-ni itihasni gimin aro maidake party a·bachengbaaha, iarangni gimin talatangaha.
Uandake party-ni gitcham dilgiparangko gisik ra·ate, UDP president, uamangko mande ra·angaha. Uamang gride a·doko regional party dongjawachim ine aganaha.
Party-ko a·bachengataoni da·ona niatgenchimode, party namen tang·dobaaha aro a·dokna dingtang dingtang kamrangchi on·gilaha. Minggipin a·dokni manderang da·ode UDP-nan chaktokenga aro ia party-osan ka·dongenga.
‘A·dokni manderang jara-goka ong·ja indiba sontolgiparang ong·a aro UDP party-an a·dokni manderangni ku·rang ong·a ine u·itoka.”
Mikkang bilsi 2023 Assembly election-o a·dokni manderang UDP-na chaktokgen aro sak 60 memborni house-o magical nombor 31-ko man·telgen ineba Metbah aganaha.
UDP General Secretary Jemino Mawthoh, indine aganaha, “UDP tangbangchina, mikkang bilsi 2023 election-o UDP, itihasko tarigen.”
UDP dilgipa aro Home Minister Lahkmen Rymbui ba tom·anio bakko ra·e indine aganaha, “Da·alni salara a·bachengani sal ong·a aro mikkang bilsi 2023 assembly election-o party bang·en seat-rangko man·gen. Da·alona jekai a·dokni manderang UDP baksa ong·baenga ugitan mikkangchiba chakpagen ine ka·donga.’
UDP Working president aro KHADC CEM, Titosstarwell Chyne, “Ian party-na bilongen dal·bea sal ong·a aro party office-ko nokdonggae on·ani salo anga bang·bata manderangkon party-o napchina okamna kusi ong·a,” ine aganaha.
Sonibar salo party office-ko nokdongae on·ani salon 25th Foundation Day-ko maniangaha. UDP President Metbah Lyngdoh, party-ni itihasni gimin aro maidake party a·bachengbaaha, iarangni gimin talatangaha.
Uandake party-ni gitcham dilgiparangko gisik ra·ate, UDP president, uamangko mande ra·angaha. Uamang gride a·doko regional party dongjawachim ine aganaha.
Party-ko a·bachengataoni da·ona niatgenchimode, party namen tang·dobaaha aro a·dokna dingtang dingtang kamrangchi on·gilaha. Minggipin a·dokni manderang da·ode UDP-nan chaktokenga aro ia party-osan ka·dongenga.
‘A·dokni manderang jara-goka ong·ja indiba sontolgiparang ong·a aro UDP party-an a·dokni manderangni ku·rang ong·a ine u·itoka.”
Mikkang bilsi 2023 Assembly election-o a·dokni manderang UDP-na chaktokgen aro sak 60 memborni house-o magical nombor 31-ko man·telgen ineba Metbah aganaha.
UDP General Secretary Jemino Mawthoh, indine aganaha, “UDP tangbangchina, mikkang bilsi 2023 election-o UDP, itihasko tarigen.”
UDP dilgipa aro Home Minister Lahkmen Rymbui ba tom·anio bakko ra·e indine aganaha, “Da·alni salara a·bachengani sal ong·a aro mikkang bilsi 2023 assembly election-o party bang·en seat-rangko man·gen. Da·alona jekai a·dokni manderang UDP baksa ong·baenga ugitan mikkangchiba chakpagen ine ka·donga.’
UDP Working president aro KHADC CEM, Titosstarwell Chyne, “Ian party-na bilongen dal·bea sal ong·a aro party office-ko nokdonggae on·ani salo anga bang·bata manderangkon party-o napchina okamna kusi ong·a,” ine aganaha.