WILLIAMNAGAR: Williamnagar-o donggipa Fishery department-ni sel·u dakgipa silgittangchi sima kapenganiara sambao donggipa Green Yard Secondary School-ni bi·sarangna aro Town Baptist Church-ni manderangna kenchakna nangani ong·enga ine A·chik Organisation for Social Welfare (AOSW) parakatenba, ia sel·urangko ra·galchina department-ni official-rangko didiataha.
AOSW-ni general secretary Premier Sangma-ni parakatani gitade, Fishery department-ni kagipa fencing-ara bang·e chujani gimin skulo poraienggipa bi·sarangna kenchakna nangani ong·batengachim.
“Skulni bi·sarang class jokani ja·man ia ramaona re·bae culvert-rango gadoe roronga aro ia fencing ba kapenganiara bang·e chujani gimin bi·sarangna namen kenchakna nangani ong·enga,” ine Sangma parakatenba, ia biapo maming dal·a a·selrang ong·na skangan ia fencing ba kapenggipaoniko sel·urangko ra·galchina Fishery department-ni official-rangko didiataha.
Fishery dept-ni sel·uchi kapenganiara kenchakna nangani ong·enga: AOSW
Date:
Share post:
