TURA: Sukrobar salo, a·dokni Chief Minister Conrad K Sangma, Pedaldoba Govt Aided Secondary School aro Raksamgre Higher Secondary School-ni gital nokrangko nokdonggae on·angaha aro ia skul nokrangko nokdonggae on·ani somoio Williamnagar-ni MLA Marcuise N Marak, Raksamgre-ni gitcham MLA Limison Sangma aro dingtang dingtang dilgiparangba dongpae bak ra·angaha.
Pedaldoba Govt Aided Secondary School-ni gital nokko Asian Development Bank (ADB)-ni Supporting Human Capital Development-ni ning·o gong kror 1.47 koros ong·e rikaha aro Raksamgre Higher Secondary School-ni gital nokko gong kror 2.09 koros ong·e rikskaahachim.
Ia skul nokrangko nokdonggae on·anganio a·dokni Chief Minister, jinmana aganprakatengon, a·dokni pilak biaprangon skul nokrangko namdapatna gita sorkari kamrangko ka·enga aro mikkangchiba ka·angkugen ine parakataha.
Meghalaya a·doko lekka porako tang·doatna gita sorkari, skul nokrangko namdapatna kang·kare kae kam ka·enga ineba Chief Minister aganaha.
Pedaldoba Govt Aided Secondary School-ni gital noko science lab aro digital classroom-rangkoba donaha.
