TURA: Tura-o chadambe saksako drugs ba pekatgipa samrang baksa rim·aha ine West Garo Hills a·jani police-rang parakataha.
Police-rangni u·iatani gitade, Sukrobar salo West Garo Hills a·jani Anti Narcotics Task Force (ANTF) official-rang, police-rang baksa Tura-ni Wadanang gittimo donggipa saksa Jimbe N Marak minggipani nokona re·ange am·sandianirangko dakon, gram 4.08 ong·gipa Heroin sam, ge 134 plastic vials, biji pong 3 aro mobile phone ge 1-ko man·aha.
Meghalaya a·doko pekatgipa samko jakkalani aro bading chiwalanirang batroroengani gimin re·anggipa bilsirangonin police-rang, bilakbate kamrangko ka·enba, niam gri sam badinggiparangko aro sam jakkalgiparangko bang·en rim·na man·engahachim.
