SHILLONG: Rajya Sabha MP aro NPP State president, Dr WR Kharlukhi-ni aganani gitade, a·dokni BJP wagamgrigipa matcha ong·a aro sakgipinrangko chikgija randinggipasan ong·a.
”A·dokni BJP, wagamgrigipa matcha ong·a aro sakgipinko chikgipa randinggipasan ong·a,” ine BJP party-ni, NPP party-chi dilenggipa, MDA sorkarioni ong·katna ka·mikkenatani ja·mano, Minister aganangaha.
Indake, Conrad K Sangma-chi dingtang dingtang party-rang baksa nangrime sorkariko rikenggipaoni ong·katna aganani ja·mano, BJP party jasarangna jripjrip dake napchipe dongaha. Unbaksana, ma·mong sorkariko dilenggipa politician-rangni gitaba , sorkarioni ong·katna miksongani gimin agana dongkujaenga.
”Ian uamangni ningani bak ong·a aro iani gimin anga mamingkoba agana sikja indiba uamangna anga nama skaaniko on·a ska,” ine Kharluki, BJP party-ni gisepo masisretgrikani aro meligijanirang dongama ine singanina aganchakangaha.
Indake, September 3 tariko, BJP-ni national vice-president aro Meghalaya-ko nirokenggipa, M.Chuba Ao, National People’s Party-chi dilenggipa sorkarioni party ong·katnaba donga ine aganangaha.
”A·dok sorkari tangka paisa cha·anirango bak donga ine potchipaniko masina gita, a·dokni BJP dingtang dingtang mamlarango pangchake lekkarangko tarienga aro jensalo CBI lekkarangko man·aha, uamang an·tangtang kamrangko ka·angskagen,” ine ua aganangaha.
Agipi BJP dilgipa, AL Hek-ba, party an·tangni tik ka·anio raken dongenga aro kosako dilgiparangni agananiko knachakna chinga senge dongenga, ine aganangaha.
Indiba, a·dokni BJP dilgiparangni singanirangko pangna aganchakgipa kattara, kosako dilgiparangni chanchianiko sengenga ine ong·ronga.
NPP-ni National President aro Chief Minister Conrad K Sangma, batanggimin salrango aganani gitade, ian sakprakprakni chanchipe agananisan ong·aia, indiba BJP-oni indake agananirang dongkuja.
Get real time updates directly on your device, subscribe now.
Comments are closed.