Wednesday, July 9, 2025
spot_img

Tourist driver-rang, permit-na neng·nikaniko man·tokenga

Date:

Share post:

spot_imgspot_img

SHILLONG: An·tangtangni file-rangko authority-rangko kam ka·atna gita jagnirang sengna nange, namen neng·nikaniko man·gipa aro dukko man·enggipa, Meghalaya-ni tourist taxi driver-rang, permit-na, Meghalaya aro Assam-o neng·anikanirangko man·ani gimin suk ong·gijaniko parakataha.
Indake, batanggmin jarangonin, Covid-ni somoio bon·chongdikgipa permit-rangna, tourist taxi driver-rang permit-ko taritaina gita tangka gong 10,000-ko gamna gita nangenga.
Apsan daken batanggimin jarango uamang, Secretariat-on re·ange an·tangtangni duk aro neng·nikanirangko re·ange janapgenchimoba kam ka·e on·aniko man·jaenga indiba batesa uamangni neng·nikanirangko ta·raken niatgen ine tole watatpilrongako men·enga.
Indake kamrangko ta·rake ka·jaengani gimin, Khasi Hills Tourist Taxi Association (KHTTA)-ni gita, Transport department-ni application-rangko donchipenganiko singdoaniko dakangaha.
”Sorkarini gita jabonga ba jadokrangna skang kamrangko ka·e on·gen ine agangenchimoba da·onaba mamingkon dakkujaenga,” ine Association-ni general secretary Bhaskar P Deb aganangaha.
Deb-ni aganani gitade, Deputy Chief Minister Prestone Tynsong ku·rakchakaniko on·pilgenchimoba uamangni neng·nikanirangko da·oba niatkujaenga.
Indake, Deb-ni aganani gitade, Meghalaya-ni tourist taxi driver-rangko, Assam aro North East-ni dingtang dingtang a·dokrango, permit-ni a·sel dongdipatronga.
Batanggmin salrangode a·doktangon mangmangan tourist taxi driver-rangko permit-na dongdipatanirangko dakronga aro iani a·sel uamang sorkariko niatchina gita mol·molman·aha.
Association-ni secretary Munna Sunar-ba apsan daken, Transport department-ko uamangni neng·nikaniko niate, janggi tangna name kamaianiko dakna on·china aganangaha.
Indake, Asscociation-ni membor-rang, Sukrobar salni bako, cabinet minister Sanbor Shullai-ona re·ange uamangni neng·nikaniko agana gita re·angahachim, indiba uamangko Puja-ni ja·man re·bapilchina watatpilaha.
All-Greater Laban Tourist Taxi Owner aro Drivers Committee-ni president, Aijingsuk Marbaniang, traffic police-rangko permit issue-ni bidingo rake bichalrangko on·jachina aganangaha maina uamangni permit-rang, Transport department baksasa kang·e dongenga.

spot_imgspot_img

Related articles

Defence to critical minerals, India and Namibia solidify ties across key sectors during PM Modi’s visit

Windhoek, July 9: Prime Minister Narendra Modi and Namibian President Netumbo Nandi-Ndaitwah on Wednesday reviewed the full range...

Barring West Bengal and Tamil Nadu, nationwide strikes by Trade Unions remain peaceful

New Delhi, July 9: A nationwide strike gripped India on Wednesday, as more than ten central Trade Unions,...

Over 1,000 Maoists surrender under ‘Lon Varratu’ drive as 12 more Maoists lay down arms in Chhatisgarh’s Dantewada

Dantewada, July 9: In a landmark achievement for Chhattisgarh's counter-insurgency and rehabilitation efforts, the Dantewada police have claimed...

Third crash in 2025: IAF confirm death of two pilots killed in Churu incident

New Delhi, July 9: In a tragic incident, a Jaguar fighter aircraft of the Indian Air Force (IAF)...