SHILLONG: Election Commission of India (ECI)-na NPP-chi dilenggipa MDA sorkarini on·gipa annual audited financial-ko dakgualanirang bang·e ine AITC-ni national spokesperson Saket Gokhale matnangataha.
2020-21 bilsio NPP-chi dilenggipa MDA sorkarini ECI-na on·gipa report-o dakgualanirang bang·e ine janapatengon, “2020 bilsini March 31 tariko ‘Tangible Assets’-na NPP sorkari gong lak 1.31-ko mesokaha aro 2021 bilsini March 31 tarikode ‘Tangible Assets’-na gong lak 69.66-ko mesokskaaha. Ia apsan bilsio uamangni rent-ara gong lak 8.28-ko mesokaha aro una skang bilsigipino gong lak 5.26-ko mesokaha,” ine Gokhale parakataha.
Iana agreba Gokhale-ni parakatani gitade, 2020 March 31 tarikoni 2021 March 31 tarikona sq feet 10,000 ong·gipa a·ako Revenue Department, Shillong songjinmani Golf Link-o donggipa Poli Ground sambao NPP-ni gital office-na on·aha aro uandaken uni ja·man, Tura aro Imphal-o donggipa NPP-ni gital office-rangko 2020-21 bilsini gisepo nokdonggaaha.
“Tura aro Imphal-o donggipa office-rangara an·tangtangni ong·ja aro para ra·enggipasa ine NPP a·kangenga ong·ode, uamangni audit financial report-o janapgipa ‘rent’ ba nok parako niatskana. ‘Rent’ ba parao NPP gong lak 8.28-ko gamenga ine a·kanga indide Tura aro Imphal-o donggipa office-rangara parana ra·enggipasa ong·genchimode, NPP-ni a·kangani gita bilsio gong lak 8.28 ong·e jao 69,000 ong·skaenga,” ine TMC-ni national spokesperson parakataha.
Comments are closed.