PA Sangma Int’l Medical College & Hospital-na pangchakaniko songa

SHILLONG: University of Science & Technology Meghalaya (USTM)-o ‘PA Sangma International Medical College & Hospital’-ko rikna Sombar salo, pangchakaniko Meghalaya a·dokni Chief Minister Conrad K Sangma-ni jakchi songe on·angaha aro ia pangchakaniko songe on·anio USA a·songni Global Leader Rhonda Vetere, Meghalaya a·dokni gitcham Governor RS Mooshahary, Education Minister Lahkmen Rymbui, AIIMS-ni gitcham Director Dr RC Deka, Srimanta Sankaradeva University of Health Sciences-ni Vice Chancellor Dr Dhrubajyoti Borah, AMU-ni gitcham VC Lt Gen Zameer Uddin Shah, USA-ni Prof of Medicine Dr Abdul Wase, USA a·songo donggipa EO-ni Managing Partner Faisal Masood, Jirang MLA Sosthenes Sohtun aro dingtang dingtang dilgiparangba dongpae bak ra·angtokaha.
Ia PA Sangma International Medical College aro Hospital-ko rikani bidingo USTM-ni Chancellor Dr Mahbubul Hoque, kobor ra·timgiparangna talataniko on·angengon, ian ge 200 palang donggipa super speciality hospital ong·gen aro ia hospital-o pilak dakgipa sanna banani cholrang donggen ine parakataha.
Ia hospital-o kangal cholgrirangna maming tangka paisa gri indin sanna bananirangko on·gen aro Meghalaya a·dokni manderangna indin dangdike on·gen ineba Dr Hoque parakataha.

Get real time updates directly on your device, subscribe now.

Comments are closed.