SHILLONG: Salgro salaramni gipin a·dokrang, jekai Assam aro uandakgipa a·dokni skotong songjinmarangode manderangko salrurana gita chu·onga gitan aro namnamgipa garirang donggenchimoba, Meghalaya a·dokni skotong Shillong songjinmaode da·onan manderangko salruragipa garirang chu·onga gita dongskakujaenga.
Shillong songjinmao songdongenggipa manderang da·onan adita SPTS bus garirang aro local taxi-rangosa re·rurana gita nangkuenga.
Bilsi 10-mangna skangsan, Shillong songjinmao bol 100-mangni gita SPTS bus garirang manderangko salruraengachim indiba da·o ia bus garirangoni bang·batan kam ka·tokjahani a·sel manderang, bangki dongkuenggipa bang·gija bus garirang aro local taxi-rangosa re·rurana nangtokengaha.
Bus garirango re·ruraanio koros komibatgenchimoba bang·bata manderangan SPTS bus garirang badia rama gita re·ruraenga ma·sitokja aro ia bus garirang salantide re·ruraskajaengachim.
Guwahati songjinmarangode, bus garirangni bang·en re·ruraaniraanirangko nikna gita man·a aro bus garirangna agreba magic garirangba re·ruraengani gimin manderang re·ruraanirango neng·nikanirangko man·na nangtokjachim.
Guwahati songjinmaode Ola aro Uber garirangba manderangko salrurana gita donga indiba Shillong songjinmaode iandakgipa cholrangba dongjani a·selan manderang, bus gari aro local taxi-rangna ru·utbee sengesa re·ruratokna man·enga.
Adita salrangna skangsan Shillong songjinmao Bike taxi-rangkoba a·bachengatahachim indiba ia Bike taxi-rango nangana bate pararangko ra·engani a·sel manderang neng·nikanirangko man·skaengachim.
Ia bilsini a·bachengachibara a·dok sorkari, electric bus garirangko a·bachengatani giminba janapahachim indiba da·alona kingking ia electric bus garirangni be·en pil·anikode nikna man·skakujaengachim.
