SHILLONG: District Mental Health Programme, East Khasi Hills, Sonibar salo Shillong KJP Assembly Conference Hall-o ‘Make Mental Health & Well-Being of All a Global Priority’-ko theme ba pangchake done ‘World Mental Health Day’-ko maniangaha. Jeon District & Session Judge District Legal Services Authority-ni Chairman Shri Noor Khan, programme-o chief guest ong·e bakko ra·angaha aro DHS (Research)-ni Dr. Y.E Phira, guest of honour ong·e bak ra·angskaha.
Programme-o bakko ra·e aganprakataon, Shri Noor Khan, District Mental Health Programme-ko songsalni manderangna nambata mental health-ko on·na jotton ka·engani gimin de·mittelataha. Una agreba Khan, mental health-ni bidingo tarigipa niam ba ainrangni gimin agan-talate on·angaha. Aro chatro-chatrirangni mental health ba gisikni an·seng-baljokanio nirokanio skigiparang mongsonggipa ong·a ineba aganaha.
Uandake programme-o resource person-rang ‘Role of Psychiatrist & MIMHANS in Mental Health, IPS-ni role, Meghalaya Branch of Mental Health, Police-rangni daito aro Mental Health Act, 2017 – iarangni bidingo aganprakangaha.
Iarangsan ong·aija programme-o District Mental Health Programme, East Khasi Hills-ni ong·atagipa Poster and Slogan Competition-o chegiparangna prize ba boksisrangko suale on·angjolaha.
