SHILLONG: Government lower primary aro upper primary school-rango bangbang dongenggipa postrango skigiparangko gapatna gita advertisement-rangko on·anio Education Department-oni ru·utatengani gimin Meghalaya Teachers Eligibility Test (MTET)-ko pass ka·gimin candidate-rang suk ong·gijaniko paraktokaha.
MTET pass ka·giminrangoni bang·arangan sorkarini kamrangna dorgasto galna gita sorkarini bilsi kapgiminko badena am·tokpilengaha.
Education department re·anggipa 2021 bilsion MTET porikkarangko seataha ine nikrikna man·a.
Kobor ra·timgiparang baksa agangrikengon, dolsa MTET pass ka·gimin candidate-rang aganaha je Education Department-oni advertisement on·ingjani a·sel, government lower primary aro upper primary school-rango bangbang dongenggipa postrangna dorgasto galrikna man·jahaode uamangna dal·en gimaani ong·gnok.
Indake ong·engon, advertisement-ko ta·rake on·china gita a·dok sorkarini kosako sinjetaniko dakna gita dingtang dingtang district-rangoniko MTET pass ka·gimin candidate-rangko chinga grongna gita miksongenga ineba uamang aganaha.
Advertisement on·ingjanina MTET pass ka·giminrang suk ong·tokjaenga
Date:
Share post:
