TURA: Sukrobar salo, Meghalaya State Rural Livelihood Society (MSRLS), State Bank of India, Meghalaya Rural Bank, MCAB, NEFSB aro uandakgipa dingtang dingtang private bank-rang baksa bakrime Credit Camp aro Financial Literacy Program-ko Tura-ni District Auditorium-o ong·atangaha.
Ia program-ko ong·atanio West Garo Hills DRDA-ni Project Director DBG Momin, MSRLS-ni COO, SBI Tura region-ni AGM, NABARD-ni DDM aro dingtang dingtang bank-ni branch manager-rangba dongpae bak ra·angaha.
Ia Credit Camp aro Financial Literacy Program-ko ong·atanio West aro South West Garo Hills a·jani dol 44 NRLM SHG-rangna gimik gong 52,50,000-ni cheque-rangko suale on·angaha aro uni ja·man social security scheme, financial linkage aro uandakgipa kamrangni bidingo SHG membor-rangna agan-talate on·angaha.
