Shillong: BSF Frontier HQ, Meghalaya, Mawpat Campus-ni gita, Deepali Mela-ko mijal salni bako ong·atangaha. Indake programme-ko, BSF Meghalaya-ni, Inspector General, Sh Inderjit Singh Rana oprake on·angaha. Programme-ko ong·atanio dingtang dingtang an·sengani program-rangko, Seema Prahari aro uamangni nokdangni manderangna ong·ataha. Cha·ani cha·e susaani aro dingtang dingtang kal·anirangko namnamgipa boksisrang baksa uamangna ong·ataha. Programme-o, BSF-ni Brass aro Jazz Band-ba ga·supile gitrangko ringaha aro tom·aniona re·bagipa sakantian kusi ong·e gitrangko ringa baksana chroktokaha.
BSF dolni ian dingtangmanchagipa mela-ko ong·atani ong·a aro Deepawalini somoio bilsi antian uamang ia, mela-ko changsa ong·atronga. Programme-ko, Inspector General, BSF dolo kamko ka·enggiparangna nama skaaniko on·e matchotataha.
