SHILLONG: BJP state unit, Meghalaya a·dok kamgri ong·ani (unemployment) batrikrikenganina jajrenganiko parakaha. “A·dok man·ani bilsi 50 gapahaomangba, bang·a dingtang dingtang dolni rikgipa sorkarirang a·dokni chadamberangna chu·onga gita kamrangko bikote on·na man·jaha ine Mawrie aganaha. Uandake Prime Minister Narendra Modi, ‘Rozgar Mela’-ko parakataha, jeon chadamberangna lak 10 central government job ba kamko on·gen. Ia scheme-niko Meghalaya-oni chadamberangba namgniko man·gen’ ine ka·donganiko parakata, Mawrie, PM-ko mittelataha.
Namgipa policy-rang Meghalaya a·dokni chadamberangna gital gital kamrangko bikotna man·genchim indiba sorkari, je bangbang ong·e donggipa vacancy ba post-rangkon gapatna man·jaenga. Adita salrang skangsan RTI-ni report-o a·dok sorkarini dingtang dingtang departmentrango 8000 baten post bangbang ong·e dongenga ine parakaha. Meghalaya, BJP-ni dilgipa sorkariko nangenga, BJP sorkarisa Meghalaya a·dokko namgipa aro tang·doatgipa a·dok ong·atgen aro biltango pangchakgipa ong·atgen ine Mawrie aganaha.
Adita salrang skangsan NGO, a·doko kamgri ong·ani batrikrikengani gimin chagronggipa neng·nikarangko parakatna rally-ko ong·ataha. NGO-rangni kattako BJP knachake nion ong·nikaha. A·dokni chadamberang private sector-oba biapko man·na nanga, mikkangchi BJP sorkariko rikaon, iani bidingo ja·ku de·gen ineba Mawrie aganaha.
