TURA: Meghalaya a·dokni skanggipa Chief Minister Captain Williamson A Sangma sagini chang 32-gipa siani salko mijal Mongolbar salo, Garo Hills-ni dingtang dingtang biaprango gisik ra·e maniangtokaha.
Baghmara-o ia salko Capt Williamson Memorial Park-o maniangaha aro ia salko manianio Baghmara-ni MLA Samuel M Sangma mongsonggipa sokgipa ong·e bakko ra·angaha.
Ia salko manianio Baghmara-ni MLA, jinmana aganprakangengon, Meghalaya a·dokko man·na gita Captain Sangma sagini dilanichi kamrangko ka·ani bidingo gisik ra·atpilaniko dakangenba, uni an·tangko on·kange kam ka·anichisa Meghalaya a·dokko man·dile on·na man·aha ine parakataha.
Meghalaya a·doko namroro silroroaniko ra·baanide da·o a·doko songdongenggipa manderangni jakosajok ine janapatengon, a·doko songdongenggipa manderang pilakan kimkro nangrime kamko ka·genchimosa a·dok namroro silrorogipa ong·na man·gen ine Sangma parakataha.
Ia program-ko ong·atanio dingtang dingtang dilgiparang, Capt Williamson Memorial Park-o tarie dongipa Capt Sangma sagini mangkrongo pul bibal aro malarangko pate una mande ra·pilskaanirangko dakangaha aro District Police Force-ni gitaba una salamko ka·e mande ra·pilskaaniko dakangaha.
Ia tom·anio Baghmara-ni Block Development Officer Jerico N Sangma, Baghmara Ampang Mangsang Maharini-ni president Rev Jither M Sangma aro gipinrangba dongpae jinmana aganprakangah
Capt Williamson Sangma-ni chang 32-gipa siani salko gisik ra·e manianga
Date:
Share post:
