SHILLONG: October 2 tarikoni 31 tarikona Swachh Bharat Abhiyan-ni ning·o India sorkarini a·bachengatgipa ‘Special Campaign 2.0’-ni bak gita North East Indira Gandhi Regional Institute of Health & Medical Sciences (NEIGRIHMS)-ni campus-ko institute-o kam ka·enggiparang aro chatro chatrirang, dingtangmancha rongtal an·talataniko dakangaha.
Ia ‘Special Campaign 2.0’-ni bak gita NEIGRIHMS-o dingtangmancha Swachh Bharat Abhiyan, Gandhi Jayanti aro dingtang dingtang katta bichongrango pangchake quiz competition, extempore speech competition aro poster competition-rangkoba ong·atangahachim.
Ia ‘Special Campaign 2.0’-ko NEIGRIHMS-ni gita dingtangmancha October 31 tarikona ong·atangkugen aro iani ning·o dingtang dingtang program-rangkoba ong·atangkugen ine u·iataha.
