TURA: Meghalaya sorkarini ra·gatgipa dingtang dingtang scheme-ni namgnirangko Mongolbar salo, a·dokni Chief Minister Conrad K Sangma, West Garo Hills a·jani Demdema Block-ni ning·o donggipa Paham songo suale on·angaha.
Game ge·e cha·enggipa manderangko dakchakna gita sorkarini ra·gatgipa FOCUS+ program-ni ning·o dingtang dingtang producer group aro game ge·e cha·enggipa nokdangrangna a·dokni Chief Minister, gong lak 9.77-ni cheque-rangko suale on·angaha.
Rural Backyard Piggery Scheme ba PROGRESS program-ni ning·oba sak 450 manderangna ia salo, gimik mang 1800 wak bi·sarangko suale on·angaha.
Apsan daken, YESS Meghalaya program-ni ning·oba ua, dolbri chadambe dolrangna gong lak 1.40-ni cheque-rangko suale on·angaha.
Ia apsan salon a·dokni Chief Minister Conrad Sangma, Muktidata Multipurpose Cooperative Society-ni sak 10 ba·ra doke cha·enggiparangna, Meghalaya Basin Development Authority (MBDA) baksa nangrime, sakprako sudgri gong 10,000 tangkarangko suale on·angaha.
Iana agreba, Meghalaya State Skill Development Society (MSSDS)-ni ning·o Tribal-rangni ganding chinrangko sikna kona skie ra·enggipa sak 15 manderangnaba ia tom·anio ba·ra sikani ostrorangko a·dokni Chief Minister suale on·angaha. Ia MSSDS-ni ning·on ua skie ra·enggipa sak 15 solar technician-rangna solar tool-rangkoba suale on·angaha.
Ia scheme-ni namgnirangko suale on·angani somoio a·dokni Chief Minister jinmana aganprakangengon, Meghalaya a·dokara game ge·e cha·gipa a·doksa ong·ani gimin songadam nokadamrango songdongenggipa manderangni janggi tanganiko tang·doatanian ia sorkarini mongsonggipa daito ong·a ine parakangaha.
Demdema Block-o dingtang dingtang scheme-ni namgnirangko suale on·anga
Date:
Share post:
