TURA: Assam –Meghalaya sima ari jolrango mongma aro mande baksa nanggrikanirang batrikrikengon, Sukrobar attamo Meghalaya-ni West Garo Hills a·jao me·chik saksako sijolpile burungni ka·namgijagipa mongma doke siataiaha.
Obostao ga·akgipa me·chikara Belguri-ni Lahapara songoni Pichuki Rabha minggipa ong·achim jekon cha·anina charambaengipa mongma jinma songona napbae so·so jengjeng ong·engmittingo doke siataha ine kobor-na parakataha. Jolni manderangni aganani gitade, ia mongmarang, Belguri songona walni somoio napbahani ja·man songjatchigita napabani gimin jolni manderangni gisepo so·sojengjeng ong·engmitting somoiosa Pichuki Rabha-ko kanamgijagipa mongma chagrongaha aro bilongbee saknaate donangaha ine parakataha.
Ia obosta ong·anichi jolo songdongenggipa manderangi gisepo kenjagokataniko ra·baani ong·engon, burungni ka·namgijagipa mongmarangni mandeni songrangona rang·gitik re·barongenganichi manderangna janggina kenchakani, gama ge·eanirangko nosto ka·ani aro gam jinrangko nosto ong·atanirangko man·a nangenga ine jolni manderang suk ong·gijaniko parakataha.
Indake ong·engon, Forest aro daito donggipa authorities ia obostani bidingo nirokanganiko dakangaha. West Garo Hills ajani sima ari jolrango mongma aro mande baksa nanggrikani obostarang namjabatrikrikengon, ia obostarangko nambate mikkangchakani aro rang·gitik obosta ong·anirangko champenganina rakbata ja·kuko de·na nangengani giminba authorities ma·sie ra·angaha
Obostao ga·akgipa me·chikara Belguri-ni Lahapara songoni Pichuki Rabha minggipa ong·achim jekon cha·anina charambaengipa mongma jinma songona napbae so·so jengjeng ong·engmittingo doke siataha ine kobor-na parakataha. Jolni manderangni aganani gitade, ia mongmarang, Belguri songona walni somoio napbahani ja·man songjatchigita napabani gimin jolni manderangni gisepo so·sojengjeng ong·engmitting somoiosa Pichuki Rabha-ko kanamgijagipa mongma chagrongaha aro bilongbee saknaate donangaha ine parakataha.
Ia obosta ong·anichi jolo songdongenggipa manderangi gisepo kenjagokataniko ra·baani ong·engon, burungni ka·namgijagipa mongmarangni mandeni songrangona rang·gitik re·barongenganichi manderangna janggina kenchakani, gama ge·eanirangko nosto ka·ani aro gam jinrangko nosto ong·atanirangko man·a nangenga ine jolni manderang suk ong·gijaniko parakataha.
Indake ong·engon, Forest aro daito donggipa authorities ia obostani bidingo nirokanganiko dakangaha. West Garo Hills ajani sima ari jolrango mongma aro mande baksa nanggrikani obostarang namjabatrikrikengon, ia obostarangko nambate mikkangchakani aro rang·gitik obosta ong·anirangko champenganina rakbata ja·kuko de·na nangengani giminba authorities ma·sie ra·angaha
