SHILLONG: A·dok politics-o me·chikrangni bak ra·aniko bang·batatna aganengon, re·baengipa 2023 bilsini election-ode me·chikrangna party tikit on·aniko bang·batatchina gita Bharatiya Janata Party (BJP) Mahila Morcha, uni nangnikaniko aganaha.
Butbar salo Shillongo state BJP Mahila Morcha-ni tom·aniko dakani ja·mano koborni manderangna aganengon, BJP-ko rimnapgijade darang dolba a·doko sorkariko rikna man·jawa ine BJP Mahila Morcha national president Vanathi Srinivasan aganaha.
Re·baenggipa election-rango me·chikrangko susaatnagipa biap a·damrangko nie nike ra·china gita aganengon, re·baenggipa election-ode me·chik candidate-rangko tikitrangko bang·batate on·china gita chinga state unit-ko mol·molenga. Indake ong·genchimoba a·dokna namroro-silroroaniko ra·bana kam ka·na changnagiparangko nigrike candidate-ko basechina gitaba didianiko on·aha.
Election-rango susana sike dongenggipa me·chikrang Meghalayao bang·en donga, unigimin uamangko ra·dona gita party raken kamrangko ka·enga ineba Srinivasan aganaha.
Indake ong·engon, segipa gri ong·e nokdangko rikenggipa ma·giparangni neng·nikanirangko namatna aro uamangko dakchakna gita ra·gatgimin cholrangkoba mesokenba BJP-ni manifest-o napatgen ine ua agandapaha.
Re·baenggipa election-na BJP-ni kam ka·soanirangni bidingo sing·anina aganchakengon, ‘BJP, a·songni pilak biaprangon name dakenga, unigisepon, Meghalayaoba BJP gride darangkoba sorkari rikna man·janasusu nikenga,’ Srinivasan aganaha.
A·dokni party president Ernest Mawrie-ni dilanio BJP raken kamrangko ka·enga, indake me·chik voter-rangko salbana gita Mahila Morcha bil gnanggipa cholrangko dakenga ine Mahila Morcha dilgipa aganaha.
Unomitingo A·dokni BJP president Ernest Mawrie-ni aganani gitade, Me·chikrangna 33 percent reservation-ko a·kange on·gipa BJP-san dongaia.
Mikkang election-o me·chikrangna bang·bate tikit on·china A·dok BJP-ko agana
Date:
Share post:
