SHILLONG: BSF Senior Secondary School, Umpling, Shillong-ni gita, skulni principal, Abha Sharma-ni dilanio, Ocoter 31 tarikoni ong·baenggipa, Vigilance Awareness programme-ko mijal salni bako matchotataha. Anti bako, essay-rangko seata baksana, lekka paltaprangko tariate, programme-ni gita topic-rangko bikote jera ra·grikatanirangko dakaha. Bakko ra·gipa poraigipa chatro chatri sakantian gisik nange bakko ra·angaha aro a·songo obostarang namangjaengni gimin suk ong·gijanirangko parakatanirangko dakaha.
Indake mijal salni bakan programme-ni bon·kamgipa bak ong·a aro BSF Meghalaya-ni IG, Sh Inderjit Singh Rana-ni mikkango student-rang kakket ong·na gita ku·mikchetanirangko dakaha aro mijal salni bakon susaanio bak ra·giparangna boksisrangkoba on·anganiko dakaha. Bon·kame, BSF-ni IG poraienggipa student-rangna ku·patianirangko on·angaha.
