SHILLONG: Re·baenggipa 2023 bilsini Assembly election-na candidate-rangko seokanio United Democratic Party (UDP)-ni gisepo meligriktokjaenga ine agananiko UDP-ni president Metbah Lyngdoh jegalataha.
UDP-ni dilgipa Bindo Mathew Lanong-ba Nongkrem constituency-o susana miksongengani giminsa UDP Nongkrem circle-o adita neng·nikanirang dongenga ine talataniko on·angengon, ian chonbegipa neng·nikanisan ong·aia ine Lyngdoh parakataha.
Dingtang dingtang kamrangni bidingo Lanong, an·tangni suk ong·gijaniko parakaha ine janapatengon, uni janapgipa kamrangni bidingo UDP-ni state election committee (SEC) chanchirimanggen ine UDP-ni president parakataha.
Lyngdoh-ni parakatani gitade, Nongkrem constituency-na UDP-ni candidate-ko Nongkrem circle aro district committee-ni dilgiparang aro membor-rangsa chanchie tik ka·gen.
“Indiba UDP-ni tikitko on·ani giminde SEC-sa tik ka·gen,” ine ua aganaha.
Adita salrangna skangsan, Nongkrem-ni Independent MLA Lambor Malngiang, re·baenggipa bilsio uan UDP-ni candidate ong·e susaanggen ine parakatahachim.
“UDP-ni tikitchi susana sikenggipa MLA-rang bang·en donga indiba da·o dipet tikitrangko on·ani bidingo mamingkon chanchikuja,” ine UDP-ni president parakataha.
2023 bilsini Assembly election-na UDP-ni skanggipa candidate list-ko dam 40 constituency-rangna bakan parakatgen ineba Lyngdoh parakataha.
