TURA: Sombar salo, Tura College of Community Science College-ni Food Science & Nutrition Department, World Diabetes Day-ko maniani bak gita awareness-cum-detection drive-ko college-o donggipa manderang baksana Chunmati aro Sangsanggre jolo songdongenggipa manderangna ong·atangaha.
Diabetes-ni bidingo manderangna agan-talate on·na aro Diabetes-ko chel·chakna gita ia program-ko ong·atangaha.
Ia program-ko a·bachengatanio College of Community Science-ni Dean Dr Jyoti V Vastrad, Diabetes-ni gimin segimin lekkarangko oprake on·angenba, diabetes-ko chel·chakna gita seng·gnangan porikka ra·e sanna bananirangko ra·china manderangko didiangaha.
Diabetes-na manderangko porikka ra·e nianio college-ni medical wing-o poraienggipa chatro chatrirang, kamrangko dakchake on·angaha.
Ia program-ko ong·atanio Food Science & Nutrition Department-ni Assistant Professor Dr Natasha R Marak, program-o bak ra·giparangna aganprakengon, an·tangtangko an·seng baljoke rakkina gita namgipa cha·anirangko cha·na nangani gimin agan-talate on·angaha.
Ia program-ko ong·atanio college-ni sakgipin Professor Dr Namita Singh-ba diabetes-ko warachakani bidingo bak ra·giparangna agan-talate on·angaha.
World Diabetes Day-ko maniani bak gita awareness program-ko ong·ata
Date:
Share post:
