Tura-o FCI-ni kamrangni gimin agan-talate on·anga

TURA: Food Corporation of India (FCI)-ni kamrangni gimin agan-talate on·na gita Mongolbar salo dingtangmancha program-ko Tura-ni Dakopgre-o donggipa FCI Food Storage Depot-o ong·atangaha aro ia program-o Tura Kendriya Vidyalaya-ni chatro chatrirangba dongpae bakko ra·angaha.
Ia program-ko ong·atanio, Tura FCI Food Storage Depot-ni official-rang, jinmana aganprakangengon, maikai mirongrangko brebae depot-rango dona aro ia mirongrangko maikai a·dok sorkarini ning·o donggipa dingtang dingtang wholesaler-rangona watatskaachim, uarangni gimin program-o bak ra·gipa manderangna aro chatro chatrirangna agan-talate on·angaha.
Mid Day Meal scheme-ni ning·o skulni bi·sarangna suale on·enggipa Fortified Rice-ni giminba ia program-ko ong·atanio FCI-ni official-rang, jinmana agan-talate on·angaha.
‘Fortified Rice’-ko manderang ‘plastic-ni merong’ ine ma·sisrettokengani giminba ia tom·anio FCI official-rang agan-talate on·angaha.
COVID sajinmani somoio kangal cholgri manderangna ma·mong sorkarini a·bachengatgipa Pradhan Mantri Gram Kalyan Anna Yojana (PMGKAY) merongni giminba ia program-ko ong·atanio FCI-ni official-rang, jinmana agan-talate on·angaha. Ia merongko National Food Security Act (NFSA)-ni ning·o namgnirangko man·enggipa mande sakprakna sorkari, kg 5 ka·e indin sualatengachim.