SHILLONG: Da·al gita November 26, 1949 tariko Constituent Assembly-ni Constitution of India-ko ra·gatani Constitution Day-ko mijalo Raj Bhavan, Shillong-o maniangaha.
Meghalaya Sorkarini a·gipi official-rang, Raj Bhavan-ni officer aro staff-rangko man·chape Raj Bhavan-ni Durbar Hall-o Constitution Day-ko maniangaha aro apsan somoion Meghalaya Chief Secretary, D. P Wahlang-chi Preamble-ko poraiatenba Constitution Day Oath ba ku·mikchetanikoba dakangjolaha.
Batanggimin 2015, November 26 tariko, Father of the Indian Constitution Dr. Bhimrao Ambedkar-ni 125-gipa atchiani salo Mumbaio uko gisik ra·na gita Ambedkar-ni Statue of Equality-ko oprakate on·enba Prime Minister Narendra Modi ia salko Constitution Day ine deragate mesokataha.
Iarang baksana a·songo songdong a·chagipa manderangni gisepo Constitution-ni values ba gamchatanirangko ma·siatna aro Indian Constitution-o segiminrangko mandera·e ja·rikna didianiko on·na gita Dr. Ambedkar-ni chanchianirangko ripingna didianikoba dakangaha.
