Monday, March 17, 2025

Mukroh jolo donggipa Assam-ni Forest office-ko ra·galchina HITO dabia

Date:

Share post:

spot_img

SHILLONG: West Jaintia Hills a·jani Mukroh aro Mukoilum jolrango donggipa Assam-ni Forest Beat House-ko chipe donatchina gita dabie Sonibar salo, Hynniewtrep Integrated Territorial Organisation (HITO)-ni dilgiparang, Shillong songjinmao donggipa Assam House-ni Resident Commissioner-na memorandum-ko on·angaha.

Adita salrangna skang, West Jaintia Hills a·jani Mukroh songo Assam police aro forest guard-rangni goanichi songni sakbonga manderang siangna nangahani gimin aro batanggimin somoirangoba Assam-ni forest guard-rang, ia jolrango songdongenggipa manderangko dokkol ka·rongengani gimin ia biapo Assam sorkarini donenggipa Forest Beat House-ko chipe donatchina gita HITO dabiangaha.

“A·dok damgnini simarango tom·tomaniko man·pilkujaskal Mukroh aro Mukoilum songo donggipa Forest Beat House-ko chipe donatchina gita chinga Assam sorkariko didie, Assam House-ni Resident Commissioner-na memorandum-ko on·angaha,” ine memorandum-ko on·ani ja·man HITO-ni president Donbok Dkhar, kobor ra·timgiparangna aganaha.

Iana skang, re·anggipa antni Mongolbar pringo, Mukroh songo a·sel ong·anichi sianggipa manderangna kalimaniko dakna aro ia a·selko jegalna gita jinma tom·e re·jomaniko HITO ong·atangaha.

Jinma re·joma matchotani ja·man, ia a·sel ong·anio so·ota man·gipa manderangna mande ra·pilskaaniko aro duko ga·akenggipa nokdangrangna kalimpaaniko mesokna gita jinma mombati so·e tom·anikoba ong·atangaha.

Ia tom·e re·jomaniko ong·atani bidingo kobor ra·timgiparangna talataniko on·angengon, Assam aro Meghalaya a·dokni simarango ong·enggipa golmalrangko indita bilsirangna namatna man·chipkujaengani gimin Meghalaya aro Assam sorkarirangko HITO-ni president Dkhar matnangataha. Assam aro Meghalaya sorkarirango ka·dongchakna man·jani giminsa Mukroh songo dosgri manderangko gogipani bidingo CBI-chi sandirokchina ma·mong sorkari ge·etaniko on·aha ineba ua aganaha.

Cherry Blossom Festival-na chamgipa tangka paisarangoniko, ia a·sel ong·anio sianggipa aro saknaa man·gipa nokdangrangna gong crore 2.5-ko on·atchina gitaba ua, a·dok sorkario dabiangaha.

spot_img

Related articles

Mindless pollution: Teenagers shocked over sorry state of Umkaliar river

SHILLONG, March 16: Operation Clean-Up (OCU), a citizens’ group comprising concerned individuals, groups, and institutions committed to cleaning...

Dust, vehicle emissions add to Byrnihat’s ‘poisonous’ air

SHILLONG, March 16: Byrnihat, an industrial town in the Assam-Meghalaya border, is facing an air crisis that is...

Now, NEHU VC seeks support from non-teaching staff

SHILLONG, March 16: Having failed to convince the students to back him in order to restore normalcy in...