TURA: ‘Emerging Trends in Agriculture, Life Science & Applied Computing’ ine pangchakaniko donenba, re·anggipa November 24 aro 25 tarikrango North Eastern Hill University (NEHU) Tura Campus-ni Biotech KISAN Hub, NEHU Tura Campus-ni Computer Application Department baksa nangrime, New Delhi DBT-ni ning·o dingtangmancha Environment & Sustainable Development-ni bidingo International Conference-ko NEHU Tura Campus-o ong·atangaha.
Ia program-ko NEHU Tura Campus-ni Campus-in-Charge Prof Sujata Gurudev dilangaha aro ia program-ko a·bachengatanio Meghalaya Health Advisory Board-ni Chairman aro Rongara-Siju-ni MLA Rakkam A Sangma, mongsonggipa sokgipa ong·e bakko ra·angaha.
Ia international conference-ko ong·atanio bakko ra·anggipa gipin manderangara, Bangladesh a·songni Jatiya Kabi Kazi Nazrul Islam University-ni ning·o donggipa Computer Science & Engineering Department-ni Professor Prof Dr Uzzal Kumar Prodhan, Bhutan a·songo donggipa Royal Bhutan University-ni Dr Wang Gyeltshan, South Africa a·songo donggpa Onelietech-ni Christiaan Bosman, NEHU Tura Campus-ni ning·o donggipa Horticulture Department-ni Assistant Professor & Project Coordinator Dr Arindam Barman aro gipinrang ong·a.
