BAGHMARA: Baghmara-Ranikor ramako tarienggipa company, South Garo Hills a·jani Rongara jolo donggipa chiringrangoniko niam gri an·cheng bikotenga ine Association for Democracy & Empowerment (ADE) Rongara unit, South Garo Hills a·jani Deputy Commissioner-na badi ka·doangaha.
Baghmara-Ranikor ramako dolgni company-rang, chong·motan Narendra Sharma Construction (NSC) aro Niddhi Creative Infrastructure Limited (NCIL) company-rang jako ra·e tariengachim aro ia ramako re·anggipa 2021 bilsini a·bachengachipakna tarina a·bachengahachim.
Indake ong·engon, ia ramako tarienggipa company-rang, South Garo Hills a·jani Rongara samba jolo donggipa Rongdi chiring aro Mahadeo samba jolo donggipa Mahadev chiringoniko niam gri an·chengrangko bikotengani a·sel ia chiringrangna aro samtangtango ong·telaigiparangnaba nangchakeniko ra·baenga ine ADE Rongara unit parakataha.
“Ia company-rang, dingtang dingtang rokomni kolrangko jakkale, ia chiringrangoniko an·chengrangko bikotenga aro an·chengrangko bikotna skang maming niamrangkoba ja·rikjaha. Iani bidingo chinga South Garo Hills a·jani Deputy Commissioner-ko gronge, ia company-rangni kosako rakgipa ja·kuko de·china mol·moleaha,” ine ADE Rongara unit-ni president Xenyan D Sangma parakataha.
Ia chiringrangoniko niam gri an·chengrangko bikotengani a·sel, ia chiringrangna aro samtangtango ong·telaigiparangna nangchakeaniko ra·baenga ineba Sangma parakataha.
Deputy Commissioner-na badi ka·e sedoatgipa chittini copy-ko ADE Rongara unit, Balpakram National Park-ni director aro South Garo Hills Baghmara Division-ni DFO-naba watataha ine kobor on·aha.
