SHILLONG: Ge·gni seat-o ua susaangjawa ine Chief Minister Conrad K Sangma Sukrobar salo aganaha.
“Anga South Tura constituency-o susaangenga aro anga iako raongtalen parakatenga. Anga angni constituency-o rake kamrangko ka·angaha uni gimin anga angni constituency-o chu·gimikan ka·donga,” ine Conrad aganaha.
An·tangni constituency-ko wate gipin biapo lekka puonanina susaangani maming katta sing·ani iano dongjaenga, ine ua agandapangaha.
“Ge·gni constituency-rango susaangna anga maming chanchia dongkuja aro iani bidingo party-ba chanchian dongkujaenga,” ine CM aganangaha.
A·selrangko maidake namatna man·gen uarangni bidingo niangchenggen aro uni skanggipa miksonganide South Tura-an ong·a, ine ua agandapangaha.
“Da·oni gitade aro ia somoio, anga South Tura-on susaangna chanchiangenga,” ine ua aganaha.
Raksamgre-oni aro Selsalla constituency-rangoni MLA-rang, Benedic R. Marak aro Ferlin CA Sangma party-oniko ong·kataha aro BJP dolo napanggipani bidingo party chanchiani gimin ua indake aganangaha, sakgni MLA-rang party-oni ong·katanichi bata ba komianiko man·enga, ine ua aganaha.
“Uamangni constituency-rango da·o dongenggipa gadangni bidingo name dake ma·si ra·aniko dakani ja·man ia chanchianiko ra·baaha. Uamang sakgipin political party-ni jean nama una chanchiangaha aro anga uamangni kosako mamingkoba aganani dongja ,” ine NPP national-ni president Conrad aganaha.
Ge·gni constituency-rango NPP-ni candidate susaanggen aro uamang cheaniko man·a uamangni nambatgipako on·anggen, ine parakataha.
“Mitam MLA-rangni kam ka·anirangko nichengana chinga ranta ka·anirangko dakangenga. Uni gimin party-ko watangna uamangni brigimin chanchiani gisikko ong·katenga,” ine Sangma aganaha.
CM-ni parakatani gitade, uamang mitam MLA-rang jagni ba jagittamrangni gisepon watanggen ine u·ia ine ua aganangaha.
