Thursday, February 29, 2024

‘Wagam grigipa matcha’ ine aganina NPP-ko BJP mikrakata

Date:

Share post:

spot_img

TURA: Re·baenggipa 2023 bilsini Assembly election-na skang, dingtang dingtang political dolrangni gisepo matnanggrikanirangko nikna man·engon, BJP-ko ‘wagam grigipa matcha’ ine National People’s Party (NPP) aganahani gimin BJP-ni dilgiparang mikrakataniko on·angskaaha.

NPP dolni kosako matnanganirangko dakrongengani gimin adita salrangna skangsan, a·dokni BJP dolko ‘wagam grigipa matcha’ gitasan ong·aia ine NPP-ni state president aro Rajya Sabha-ni MP WR Kharlukhi matnangatskaahachim.

Uni iandakgipa kattarangko aganahani gimin una mikrakataniko on·angskaengon, 2018 bilsio NPP dol, BJP-ni ‘B team’ gitasa bilona re·baaha ine BJP-ni state vice president Bernard N Marak parakataha.

2013 bilsio NPP dol, MLA sakgnisan dongaiachim ine janapatengon, ma·mongo BJP-ni dilgiparang, NPP-na chakpaaniko on·ahani a·selsa da·alo NPP bilakgipa ong·bae sorkariko chalaina man·enga ine Marak parakataha.

“BJP-ni kosako iandake agananiara namen kragijani ong·enga maina ja·manode BJP, NPP-ko tang·onatpilna man·aigen. A·doko ong·enga obostarangko ma·mongo donggipa chingni dilgiparang name nienga aro 2023 bilsio mai ong·gen, an·chingna somoian mesokaigen. Sorkari rikgnikode darangba agansamsona man·ja aro haida ja·mano uamang jagokmanpilnaba gnang,” ine Tura-ni MDC Marak parakataha.

Meghalaya sorkarini dingtang dingtang department-rango tangka paisa jakkalsretaniko central agency-rangni sandirokani bidingo Meghalaya-ni in-charge Chuba Ao janapatahani giminsa ua iako aganenga ineba Marak parakataha.

“Meghalaya a·doko tangka paisa jakkalsretaniko bon·atna nangnikenggipa political dolrangoni BJP dolsan ong·aia aro iako a·dokni manderang ma·sina nanga. Maharashtra, Madhya Pradesh a·dok gita dakgipa biaprangon ka·dongsona man·gijagipa obostarang ong·genchimode Meghalaya a·dokoba darangkoba mikchepna nangani dongja,” ine BJP-ni state vice president parakataha.

A·doko namroro silroroani kamrangna chamatgipa tangka paisarangko NPP, gipin a·dokrango election-ni kamrangna jakkalsretengani a·selan a·doko maming namroro silroroani dongjaenga ineba Marak parakataha.

“A·doko ong·enggipa obostarangna a·dokni Chief Minister Conrad Sangma-an dai nanggipa ong·a. Ong·ana matnanganirangko jegalanichide maming dakeba cholijawa aro iani bidingo a·dokni manderang aro BJP maming dakeba jrip dongna man·jawa. Nanggenchimode ‘wagam grigipa matchaba’ sikar ka·ani bewalko dakmesokna man·aigen,” ine Tura-ni BJP MDC parakataha.

“An·tangtangni ine NPP-ni a·kangenggipa Minority Scheme-rang, PMGSY, KISHAN, Labour, FOCUS, YESS, FOCUS+ aro gipin scheme-rang pilaknan BJP-sa tangka paisarangko on·ataha,” ineba Marak parakataha.

spot_img

Related articles

Apple’s shift from EVs to AI draws diverse reactions among influencers

New Delhi, Feb 29:  A rise in discussions related to "Apple" among influencers on the "X" platform has...

Commerce Ministry makes auction route must for dust tea in India

Guwahati, Feb 29:  The Union Ministry of Commerce and Industry has made it mandatory for dust grades of...

Pakistan struggling to arrange $1.8 billion for repayment of Chinese loan

Karachi, Feb 29: Pakistan's foreign exchange market is tense on reports about the expected higher dollar outflows, local...

Shahjahan’s arrest opens the field for Oppn parties in Sandeshkhali

Kolkata, Feb 29: The ground realities seem to be changing at Sandeshkhali in North 24 Parganas district, where...