TURA: Electoral roll-rango biming segatgimin manderangko aro mongsongbate biming segatdaldal manderangko, election-ni somoirango re·bae dilgipako seokanio bak ra·echina didina gita aro election-na skang EVM baksana VVPAT machine-rangko jakkale nipana man·china gita West Garo Hills a·jani District Election Office, December 5 tarik dipet pilak polling station-rangon Voters EVM awareness program-ko a·bachengataha.
Ia Voters EVM/VVPAT awareness program-ko re·baenggipa December 14 tarikona ong·atenga aro ia program-ko West Garo Hills a·jani ning·o donggipa dingtang dingtang constituency-ni polling station-rango ong·atenga.
District Election Officer-ni u·iataniko on·atani gitade, ia awareness program-ko Booth Level Officer-rangni dakchakanichi, Sector Officer-rang dakdilenga.
